آه او لحظه دن درد حسرتون باشليير وجوديمده غارته
هى تلاش ايدور گوز یاشیم سالا روحومی يم رنج و محنته
بولمورم گناهيم ندور منيم حال و روزومى آلموسان خبر
گور نجه غموندن يخيلميشام دوشموشم كمند اسارته
زیر و رو ایدوب تار و پودیمی آتش فراقون نه نوعی گور
یاندیریر منی ،صبریمی آلور ، توش ایدور بلا و مصیبته
روز و شب فراقوندا بس كه من قلب زاريمى داغيرام داخى
قالميوب توان بيرده تا ايدم شكوه دل آچام من شکایته
هیچ كیمه حبيبيم دينمورم هجر اوتوندا سنسيز نه چكميشم
دوشموشم وطنده عجیبه بیر انزوائیله درد غربته
گوئیا گوزوم کور اولوبدی چون گورمورم سنون من نشانوی
لطف ايله اوزون وير نشان منه شامل ايله بير آن عنايته
نذریدور بو جانیم یولوندا گر بیر گونی یتیشسم وصالیوه
جان متاعینی ایلرم فدا محظرونده چاتسین شرافته
باغلیان زماندان سنه اورک ال گوتورموشم بو جهانیدن
کاش اجل گلوب قوتارا منیم عمرومی یتورسون نهایته
اگلشوب خزان صرصرى منيم گلشن وجوديمده نيليوم
قورخورام اگر لطفون اولماسا منده غرق اولام خواب غفلته
اولما راضى بو دهريده قالام حسرت وصالونده جان ویرم
گل قوتار بو #ناكامى قالماسين بو جهاندا آرتيق شمادته
گور نجه غموندن يخيلميشام
رِسَم به اوج رهایی
بر عشقش گرفتارم هنوز...
بو ,گور ,بیر ,منيم ,يخيلميشام ,جان ,غموندن يخيلميشام ,نجه غموندن ,گور نجه ,یتیشسم وصالیوه ,وصالیوه جان
درباره این سایت